Böyük
şirk: Qulun Allahla yanaşı şəriklər götürüb ibadətdə, yalnız Allaha
məxsus olan (ruzi vermək, övlad bəxş etmək, öldürmək və diriltmək və
sair kimi) işlərdə və Allahın ad və sifətlərində onları Allah ilə eyni səviyyədə tutmasıdır.
Böyük şirkin bəzi nəticələri:
1.
İnsanın İslam dairəsindən çıxması.
2. Bütün əməllərinin batil olması.
3. Cəhənnəmdə müşriklərlə birgə əbədi qalmasi.
4. Günahlarının
bağışlanılmaması. Yalnız bu dünyada tövbə edərək ölərsə istisnadır.
5.
Müşrik bir şəxsə müsəlman bir qadın ilə evlənməyə icazə verilməməsi.
6.
Öldüyü zaman yuyulmaması, kəfənlənməməsi, cənazə namazının qılınmaması
və müsəlman qəbristanliğında basdırılmaması böyük şirkin nəticələrindəndir.
Böyük şirk olan bir neçə əməl:
1. Bəzi ölülərin insanların ehtiyaclarını qarşılamasına və üzüntülərini aparmasına etiqad etmək.
2. Qəbirləri təvaf etmək və ölüləri köməyə cağırmaq.
3. Ulduzların və bürclərin kainata təsir etdiyini etiqad etmək.
4. Yaradanı məxluqlara bənzətmək (Allahın əli mənim əlim kimidir və yaxud Allahın görməyi mənim görməyim kimidir kimi sözlər demək)
5. Qeyb elmini iddia
etmək. Allahdan başqasının qeybi bilməsini etiqad etmək. Kahinlik,
falçılıq, ovucun içini oxumaq, fincanla fala baxmaq və şüşə toplardan
istifadə edib bürclərin aləmə təsir etdiklərini etiqad etmək də buna
daxildir.
6. Allahdan başqasının Allahla yanaşı ibadətə haqqı olduğunu etiqad etmək.
7. Qurban kəsmək, nəzir demək və səcdə etmək kimi bəzi ibadətləri Allahdan başqasına sərf etmək.
8. Allahdan başqasını Allahı sevən kimi sevmək və Allahdan başqasından Allahdan qorxan kimi qorxmaq.
9. Ölüləri və qeybdə olanları köməyə çağırmaq.
10. Ruzi vermək, övlad bəxş etmək və sair kimi yalniz Allaha məxsus olan işləri məxluqlardan ummaq.
11.
Allahdan qeyrisinin hökmünün Allahın hökmündən üstün olduğunu və yaxud
Allahın hökmü ilə eyni səviyyədə olduğunu etiqad etmək.
12. Allahın hökmündən qeyrisi ilə hökm verməyin icazəli olduğunu etiqad etmək.
Kiçik şirk.
Kiçik şirk tərkibində şirkdən hər hansı bir növ olub, lakin, böyük
şirk dərəcəsinə çatmayan əməllərə deyilir. Kiçik şirk böyük günahlardan
da böyükdür və hansı əməldə olarsa o əməli batil edir. Sahibi Allahın
istəyi altındadır istərsə ona əzab verər və istərsə bağışlayar.
Kiçik şirkə aid bir neçə misal:
1)
Allahdan qeyrisinə and içmək. Peyğəmbər (Ona və ailəsənə Allahın xeyir
duası və salamı olsun) buyurmuşdur: "Kim Allahdan qeyrisinə and içərsə
artıq şirk etmişdir”. (Ət-Tirmizi)
2) Riya (Əməli Allah üçün deyil başqaları görür deyə etmək)
3) Bədbinlik etmək.
4)
((Allah və sən istəsən)) və yaxud ((bu Allah və sən tərəfindəndir)),
((Allaha və sənə təvəkkül etdim)), ((Filan olmasaydı həlak olardıq)) və
((İt olmasaydı ev oğurlanardı)) kimi sözlər demək.
Möhtərəm
müsəlman bacı və qardaşlarim, Sizə və öz nəfsimə şirkin bütün
surətlərindən çəkinməyi tövsiyə edirəm. Buna yalnız Allaha ixlaslı
olmaqla və tövhidin şənini yüksəldən şəriət elmini əldə etməklə nail olmaq olar.