Allahu təaləyə şərik qoşmaq günahlarln ən əzəmətlisi və cərimələrin ən böyüyüdür. Ona görə də Allahu təalə onu yalnız tövbə ilə bağışlayir. Allahu təalə buyurur: "Şübhə yoxdur ki, Allah Özünə şərik qoşanları əvf etməz, amma, istədiyi şəxsin bundan başqa olan günahlarını bağışlar. Allaha şərik qoşan şəxs, əlbəttə, böyük günah etmiş olur” (Ən-nisa:48). Allaha şərik qoşmaq ən böyük günah olmaqla bərabər, həm də ən böyük zülmdür. Allahu təalə buyurur: "(Ya Rəsulum!) Yadında olsun ki, bir zaman Loğman öz oğluna nəsihət edərək belə demişdi: - Oğlum! Allaha şərik qoşma. Doğrudan da, Allaha şərik qoşmaq böyük zülmdür!” (Loğman:13).